By-Vidhi Singh
Akelapan bhata hai mujhe ab
Logo ka kehna hai logo se milo
To logo se aur khul paogi tum!
Par duniya ki shorgul se dur
Kabhi-kabhi dosto ki majak masti se dur,
Parties se;naach-gaane se dur,
Shayad ek kamre me swayam ke
Sath rehna jyada bhata hai mujhe!!
Kyuki logo se khulne se pehle
Mai khud se khulna chahti hu,
Khud ki rag-rag se vaakif hona chahti hu
Tumne sath rehkar jo akelapan diya,vo katne ko daudta hai
Tumhare paas jaane ko man machalta hai fir...
Par yaad aata hai fir maa bhi to akeli hai ghar pe
Vo bhi to roti hai kabhi raato ko mere intejar me
Jis tarah mai tere liye..
Antar bas itna hai,
uske aansu moti hai aur mere shayad pani bhi ni…
-----------------------------------------------------------------------------------------------
This poem has been published in the book 'The Last Flower Of Spring'. Buy the paperback copy on Amazon: https://tinyurl.com/y9sydnxn